2022/06/10
湯文亮
近幾日天陰陰，早上就算唔落雨，都唔會見到太陽，更加見唔到日出；到了黃昏時，又有可能見到日落，面對沒有日出的日落，有時候都會覺得奇怪。
樓價從未大升 何來大跌
有一個打算買樓的老友問樓價幾時會大跌，他已經等了很多年。我話樓價從未大升，點解會大跌，如果現在樓價大跌，就好似沒有日出的日落。老友話唔明白，既然樓價沒有大升，點解政府會出招打壓樓市。這是官員先見之明，知道如果唔出招，樓市一定會大升，所以預先出招。老實說，如果唔出招，唔用BSD（買家印花稅）限制內地人士來港買樓，樓價升到唔知什麼地步，甚至令到不少香港人將自住單位賣畀內地人。搞搞下，愈來愈多香港人要租樓住，業主當然是內地人。好彩這個情况沒有發生，否則香港政府實會俾市民鬧死，甚至會話點解唔學加拿大政府，禁止外國人在香港買樓，由於樓價沒有大升，亦不要期望大跌。
辣招壓一時不能壓一世
一般人講樓市升跌，都會用中原城市領先指數（CCL）作為指標，在1997年7月，指數為100點，到了25年後的今日，中原指數只得180點，25年只是升了80%，都唔知點解咁多人話樓價會大跌。雖然CCL在2003年曾經跌到得30幾點，但不能以非常時期的樓價計算。老實說，政府推出的辣招的確有效壓抑樓市，但能夠壓一時，不能夠壓一世，當疫情緩和，內地購買力湧至，樓價有機會再攀升，就好似近日天氣，雖然見唔到日出，但隨時都有可能出猛太陽。
樓價從未大升 何來大跌
有一個打算買樓的老友問樓價幾時會大跌，他已經等了很多年。我話樓價從未大升，點解會大跌，如果現在樓價大跌，就好似沒有日出的日落。老友話唔明白，既然樓價沒有大升，點解政府會出招打壓樓市。這是官員先見之明，知道如果唔出招，樓市一定會大升，所以預先出招。老實說，如果唔出招，唔用BSD（買家印花稅）限制內地人士來港買樓，樓價升到唔知什麼地步，甚至令到不少香港人將自住單位賣畀內地人。搞搞下，愈來愈多香港人要租樓住，業主當然是內地人。好彩這個情况沒有發生，否則香港政府實會俾市民鬧死，甚至會話點解唔學加拿大政府，禁止外國人在香港買樓，由於樓價沒有大升，亦不要期望大跌。
辣招壓一時不能壓一世
一般人講樓市升跌，都會用中原城市領先指數（CCL）作為指標，在1997年7月，指數為100點，到了25年後的今日，中原指數只得180點，25年只是升了80%，都唔知點解咁多人話樓價會大跌。雖然CCL在2003年曾經跌到得30幾點，但不能以非常時期的樓價計算。老實說，政府推出的辣招的確有效壓抑樓市，但能夠壓一時，不能夠壓一世，當疫情緩和，內地購買力湧至，樓價有機會再攀升，就好似近日天氣，雖然見唔到日出，但隨時都有可能出猛太陽。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
