2022/04/19
湯文亮
有很多人不明白，疫情未完，仍未通關，加上有咁多人移民，報紙的蝕讓消息不絕，中原指數不但未有繼續下跌，反而連續兩個星期上升超過1%，這個情况很久沒有見過，有人話令到不少專家大跌眼鏡，老實說，如果大跌眼鏡的就不是專家。
在中原指數連升兩個星期之前，樓市雖然下跌，除了成交量不高之外，成交樓宇的質素亦很平庸，代表持有比較優質物業的業主不急於放售，可供出售的銀主盤亦不多，如果是資深投資者，就知道這是樓市反彈先兆，不過，投資者不會預先張揚，只會默默地尋找適合自己的物業，正是萬事俱備，只欠東風，究竟東風是什麼？
當成交量上升 樓市自然反彈
東風就是成交量，當成交量上升，樓市自然會反彈，但在成交量上升之前，打算買樓的人一定會去睇樓，在過去幾個星期，睇樓人數大幅反彈，睇樓人數增加，成交量會成正比例增加，樓價亦相應地上升，這是很顯淺道理，所以，能夠預測到樓市上升亦不是有什麼過人之處。
買樓唔睇樓 其實早睇過類似物業
報紙話市場上有一些人根本是黐了線，買樓唔使睇樓，所以，樓價上升是不理性，甚至有點瘋狂，其實買樓唔睇樓是極之正常，我買樓從來唔睇樓，其實，我並不是沒有睇樓，我早已睇過類似物業，只要價錢合理便會買下來，在投資者角度，買樓要睇樓其實未夠誠意，因為睇完樓唔買一定會搵到理由。
所以，業主不是太開心買家去睇樓，最近有很多冇睇樓的成交，那些買家做足準備工夫，大家可能忘記，這就是「快狠準」的準，既然有咁多人準備入市，樓市又點會唔升。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
