《匿名投訴沒有用》

星期六有老友請飲茶，一啖茶都未飲，已經畀老友話我唔夠義氣，佢打算買一個物業，已經開出合約，物業代理話我有興趣，出價高過佢，叫老友加價。我話咁嘅時勢，點會有膽買樓，老友於是打電話畀物業代理，代理話唔好意思，的確有人出價高過佢，但唔准代理提及他的名字，如果話匿名人士，老友是不會相信，所以要借用我的名，唔知道我們兩個是老友，代理話唔好意思，第日佢請飲茶。老友問我，蒸條魚、蒜蓉開邊蒸龍蝦、開支82紅酒好唔好；老實說，我話唔好代表我嬲，唯有恭敬不如從命。

不時在報章上有一些廣告或者視頻要求中央政府撤換特首，但講了幾年，中央政府根本沒有反應，反而有幾個政壇新丁話香港政府的抗疫政策沒有同內地專家溝通，後來發覺搞錯，政壇新丁阿頭畀林鄭省了一餐。所以，要投訴一定要有名有姓，不過亦有一定風險，匿名投訴是沒有用。

匿名投訴的人千祈唔好怪中央政府，因為中央政府亦飽受匿名投訴之苦，以美國為首的國家因為有幾個匿名投訴，斷定中國政府在新疆進行種族滅絕，而實施各項制裁，美國甚至外交抵制冬奧，就算中央政府點解釋都冇用。到了最近，美國又話匿名高官收到可靠信息，中國支持俄羅斯入侵烏克蘭，搞到華大姐、趙立堅火都滾，現在美國又話沒有真憑實據，真的是神又係佢，鬼又係佢。

如果匿名投訴有美國功力，林鄭早已下台，因為美國對中國的各項指證，例如在新疆有沒有進行種族滅絕，就要求中國證明沒有，否則就斷定中國政府在新疆進行種族滅絕，不過如何證明？根本冇得證明，唯有對各項制裁反制，只有兩敗俱傷才會成功堵截那些匿名投訴。

如果中央政府重視那些對特首匿名投訴，咁就會有更多匿名投訴，更加多匿名人士要求林鄭下台。大家又唔好以為林鄭下台之後便沒有匿名投訴，林鄭可能不再有任何匿名投訴，但匿名的人就會將投訴轉移到下一任特首，甚至下一個參選特首的人，直至他們不再參選特首，我相信匿名者都明白這個道理，點解仲要匿名投訴。