《俄烏衝突很快結束》

多數人冇錢買股票之時 股市就會回升

我近日睇到俄烏衝突有轉機，於是在星期三中午食飯時問老婆仲有冇私己錢買股票，佢話差不多滿倉。我話在股票市場，有一條物質不變定律，就是當大多數人冇錢買股票，股市就會掉頭回升，既然老婆買到冇晒錢，我下午就會重錘出擊。

什麼股票市場的物質不變定律完全是呃人，我認為俄烏在戰場上的表現，雙方很快就會結束衝突。首先在俄羅斯方面，如果俄羅斯有決心勝出這場衝突，一開始就會動用大部分軍力，當時俄羅斯已經集結了20萬大軍，但只投入6萬人進攻烏克蘭，並不是徹底求勝心態，更加不是趕盡殺絕，畢竟俄烏都是自己人。烏克蘭總統澤連斯基反而唔係，他是猶太人。兵書有云：「勝兵先勝而後求戰」。所以，如果俄羅斯在戰爭初期摧枯拉朽贏得戰事，就唔會輕易收手，和談無望，俄烏衝突將會延續很長時間，反而對俄羅斯不利。正如美國在伊拉克、阿富汗一樣，打仗好似操兵，長驅直入，根本不會和談，結果一打就打了20年。俄羅斯的國力沒有美國那麼強大，一定會被戰事拖死，佔領烏克蘭並不是一個好方法，和談才是最好辦法。

在烏克蘭方面，北約如果唔接受烏克蘭加入，最好就是和談。兵書亦有云：「敗兵先戰而後求勝」。在俄烏衝突中，烏克蘭當然唔可以講贏，但亦唔係輸，而雙方實力懸殊，輸少當贏，和談是最好解決辦法。既然雙方有意和解，俄烏衝突亦應該很快會結束。我相信全世界軍事專家都睇到這個趨勢，所以，唔單止香港股市升，全世界都升，香港算升得少啦。