在星期二政府宣布收緊抗疫政策之後，有很多地方出現「飛髮集結」，不少髮型屋大排長龍，因為從今日開始，飛髮也要暫停，除此之外，政府同時收緊堂食、宗教、家庭聚會，原因是確診數字急升。有人話政府雷厲風行，做得非常對，亦有人話政府過猶不及，只不過是600幾宗確診，相比起人口少香港200萬的新加坡，確診人數經常過萬 ，但抗疫措施比香港寬鬆得多，究竟香港政府是否做對了？我覺得是見仁見智，很難講邊個做得正確。
趁機谷高接種率迎通關
我認為政府今次收緊抗疫政策，似乎有多少急進，並沒有細心考慮，點解確診會上升得咁快，而且有咁多無源頭個案。關鍵是快速測試，不少市民自己購買快速測試套裝，大批購買，可以低至50元一套，不少人包括我自己在內，每日都做一次快速測試，結果是陰性之後才返工，公司主力同事亦要每天做，非主力的就隔日做，如此大量快速測試下，確診者無所遁形，但大多數都唔知點解會惹到，最後歸納為無源頭個案。這就是近日確診人數大幅增加，而大多數是無源頭個案的主要原因，我估計隔多幾日，確診數字就會大幅回落。
有老友話政府並非不知確診人數大幅增加原因，而是想趁機強迫市民打疫苗，如果唔打疫苗，就邊度都唔使去，我估計在冬奧之後很短時間，中央政府亦會開關，但要求通關的國家或地區接種率要有九成，香港如果不達標，一樣不可以進入內地。本來香港接種率只得七成半，但確診增加，接種率亦急速上升，今次政府應該是借力打力，收緊防疫政策，加速市民接種率，如果每日以0.5%速度增加，到了2月24日，政府有能力解除部分抗疫政策，然後等通關，如果唔能夠達到目標，香港人全部坐困愁城，邊度都唔使去。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意。）
