《收拾「輸包」好過年》

今年不少投資股票的人，買債券的人，甚至買虛擬貨幣的人，最後都得到一個名貴包包，是名牌中的名牌，至高無上的，叫「輸包」。我也不例外，這幾日亦無心戀戰，收拾「輸包」好過年，2022年再戰江湖。

有老友同我講，他輸得唔抵，買債券應該冇理由輸，現在部分發債企業唔還息，本金亦凍過水，買債即是借錢畀發債的企業，點解可以任由債仔唔還債，老友唔明白，這是主動與被動的問題，發債公司沒有強迫人買，是買債的人主動去買，即是主動借錢畀人，債仔唔還錢都冇得好講，老友話好彩今年才開始買債，如果幾年前已經買，一定會愈買愈多，一定會輸死人。

比特幣輸包不是太「名貴」

有老友買虛擬貨幣唔見了一筆，比特幣在6萬美元的時候有外國投資者話隨時可以去到10萬，甚至60萬美元，於是買了20個，現在只有4萬幾美元，唔見了百幾萬港元，老友有十幾億身家，輸了百幾萬，其實有乜好呻。事實上，買虛擬貨幣的人唔會輸死，或者在交收的時候畀人插死，輸包不是太名貴。

有老友好鍾意買新股，誰不知今年輸多過贏，而且輸就輸金勞，贏就贏樂都。今年的新股，大約有七成半低於上市價，令到全世界的人對港股失去信心，不但新股跌，已經上市的股票也跌，買股票的人真的是很傷心。老實說，港交所（0388）的確要負大部分責任，冇理由那些經過嚴格審查的新股，上市之後立刻發盈警，股價立即如江河日下，港交所的嚴格審查尺度究竟在哪裏？唯一避免輸錢的就是不買那些新股，甚至連港股都唔買，股票投資者的輸包是港交所送給他們的。

我做學生的時候最喜歡的一首詩：