《做YouTuber很容易得罪人》

不時有人搵我做YouTuber，我話不會考慮，原因是做YouTuber根本沒有話語權，如果希望點擊率高，就一定要講一些迎合聽眾的說話，很多時唔覺意得罪了人，甚至得罪邊個都唔知。得罪人最多是被人打一餐，但得罪政府，可能要移民離開香港。事實上，有不少YouTuber都是發表了一些不適合的言論而被迫離開香港，玩YouTube玩到走難似乎不值。

得罪政府 或要移民離港

現在資訊發達，要睇的新聞都睇唔晒，我懷疑點會有人畀錢睇YouTube，但事實上是有的，不過是希望YouTuber講他們喜歡的題目，或者直接攻擊某人，那些被攻擊的人不會怪罪到聽眾身上，YouTuber是要承受全部責任，甚至有血光之災都唔出奇。

寫文章與做YouTuber有顯著不同，就算寫了的文章立刻放上網，博主大多數會睇多幾次，直至自己覺得不會得罪人才放上網。做YouTube卻不同，因為YouTuber隨時愈講愈興奮，就算得罪了人都唔知，可能事後翻睇才知道得罪人，但很多時都收唔返。

有人話YouTuber可以唔理聽眾，只是自己對某件事的評論，咁就唔會得罪人。如果YouTuber這樣做，他的確沒有得罪其他人，不過，就得罪了聽眾，亦即是他的米飯班主，之後會沒人訂閱，那條頻道很快就會收檔，所以，做YouTuber有時都幾慘。