《不能說的兩個字》

有不少男人，將愛字掛在口邊，不時對其他女人講我愛你，其實是犯了大忌，因為「我愛你」同我錯了的意思是差不多。

因為那些女人如果同那名男士有私人爭執，唔好理誰是誰非，只要女士話那位男士曾經講過愛佢一生一世，大家都會將天秤移向女士的一邊，就算那名男士有充分理由都冇用，所以，我經常對那些已離婚的男人講，千祈唔好數前妻不是，因為唔講我愛你一定結唔到婚，最好就是將所有責任孭上身，反而會得到別人的同情，尤其是女士，認為離婚的男士有風度，隨時可以有另一段新感情，反之會令人討厭，所以，同女人唔好講愛，除非真係愛佢，以及準備承受所有後果。

同女人唔好講「愛」

有老友話，同女人唔好講愛，這樣的話，男人同男人唔好講什麼，一個字「撐」，大家千祈唔好亂用這個字，隨時會變成殺人兇手，撐其實是吶喊助威之意，一個人做某件事失敗，甚至死亡，很多時並不是他不自量力，而是旁人吶喊助威支持，吶喊助威者才是「殺人兇手」，所以，千祈唔好咁容易講個撐字。

同男人唔好講「撐」

雖然大家有警惕，但女人很鍾意問男人愛唔愛佢，尤其是在危急關頭，不少男人在意亂情迷之下話愛，咁就一生一世。某些男人亦好鍾意問其他人撐唔撐佢，尤其是做小生意及買樓，不少男人一生都未做過大佬，撐人有多少做大佬的感覺，他們唔知道，講了這個撐字，就是一個承諾，那人做生意周轉出問題，買樓供唔掂，就會搵當日話撐佢的人。老實說，講過撐字的人唔多唔少都要支持下，否則就會被人埋怨，就算支持都會被人講，如果當日冇人撐就唔會做生意買樓，所以，千祈唔好講個「撐」字，就算被人問及，最好是話力有不逮，恐怕有心無力，有時認下低威可以為日後減少很多煩惱。