《如果唔「強迫勞動」就請唔到人》

有老友話，本港失業率去到7.2%，理論上很容易請人，但想請一個司機都很困難，佢在見工時已經同司機講不用加班工作，可以準時收工；但所有司機聽到之後都沒有表示，稍後就話已經搵到新工。老友不明白，做得私人司機，最緊要是可以開OT，如果不用加班，他們是興趣不大。老友話加班即是「強迫勞動」，死罪嚟㗎。大家可以睇到歐美國家以強迫勞動封殺新疆棉，老友唔知道，無論在中國或者香港，如果唔強迫勞動根本請唔到人。

在內地開工廠的人知道，民工在見工時會開門見山問有冇加班，當然是加班愈多愈好，民工的觀點是既然離鄉別井到其他地方工作，當然是工作的時間愈長愈好，可以用最快的時間搵一筆錢回鄉建屋或者開一家小店。如果沒有加班就興趣不大，或者只是騎牛搵馬，暫時做住先。

事實是不少維族人變小康

今次BCI以強迫勞動為由來禁止大品牌用新疆棉，我認為BCI首先要搞清楚什麼是強迫勞動，既然用到強迫，當事人一定不滿意。事實上，不少維吾爾族人因為新疆棉花而收入增加，由貧農戶進入小康，所以，BCI一定要搵一大批維吾爾族人來證明他們是被強迫勞動，才可以用強迫勞動封殺新疆棉，絕不能以幾篇帶有主觀性文章就話維吾爾族人是被強迫勞動，最後連累大品牌被中國人民封殺。