《樓神不留神 冇得做樓神》

很多人以為香港只得趙雷兩名樓神，其實還有其他很多，業界統稱地產商的銷售部主管為樓神。老實說，做樓神的確不容易，一不留神，就冇得做樓神。

不少人認為做樓神易過借火，當有新盤開售，只要訂價低於市價，又有高佣金，想唔「一Q清袋」都難，有這個概念的人一定不是老闆。大家千祈唔好以為老闆鍾意「一Q清袋」，老闆不但唔鍾意，而且認為「一Q清袋」是死罪，因為如果不是訂價太低，又如何做到「一Q清袋」？賣到八九成就最好，留返一些貨尾在年底賣，為明年小陽春營做氣氛。

賣樓「一Q清袋」是死罪

在去年底，當大部分評論員都認為今年即使疫情緩和，樓市仍然會下跌，跌多跌少就要視乎解封時間，愈遲解封，樓市跌幅愈大。有樓神問我點睇樓市，我話樓市在疫市下仍然保持平穩，今年開關事在必行，樓市九成會上升，升幅大約10%至15%；樓神話英雄所見略同，到推出新樓盤時就減少數量，而且不是質素最好的一批。樓神如果不留神，大量以低價推出優質單位，當然可以賣個滿堂紅，但自己亦可能被老闆「一Q清袋」。

有人話，估中樓市上升有什麼大不了，在年初時，有報章訪問50個地產界有關人士，46個話樓市上升。大家可能有所不知，物業代理對外就會話樓市上升，同樓神講就話下跌，希望樓神高抬貴手，不但售價要平，數量又要多，他們才可以從中獲利。

好彩，香港的樓神是非常留神，不會因片面之詞大量低價出貨，因為他們知道，一不留神，就冇得做樓神。