有老友話上星期中原指數下跌了0.24%，對於那些話牛年樓市會很牛的人，算不算是一個警號，老友始終睇唔好樓市，所以稍有風吹草動，就立刻話樓市下跌。其實，中原指數升了兩個星期之後作出些微調整，亦是合情合理，不用大驚小怪，否則的話，會搞到自己唔開心。
我話牛年樓市不單很牛，而且會是超級牛，老友話唔明白超級牛的意思。我話道理很簡單，一般分析員預測樓市，只是講樓價升跌，並沒有講成交量，我就認為牛年樓市不單樓價上升，而且成交量亦會增加，所以，我話牛年樓市是超級牛。
老友問，究竟牛年樓市會升幾多？成交量又會增加幾多？我個人估計，樓價與成交量都會比去年上升10%至15％；老友話如果樓價上升，地產商可能持貨不賣，何况現在已經取消了一手空置稅，造成價升量跌，超級牛恐怕未必會出現。
估計今年樓價最多升15％
現在地產商做法跟以往不同，他們不會盲目追求高價，令到較早前以低價入市的業主有機會放售手上單位，無端端多了一批競爭對手，我認為15%已經是上限，當樓價上升，就會有更多新樓盤推出市場，務求食盡市場上的購買力，如果市况向好，就會價量齊升，超級牛就會出現。
老友話我忘記了英國的BNO計劃，英國方面估計，第一年有12萬至15萬香港人移民去英國，當中相信有不少是有樓人士，如果他們賣樓移民，所產生供應量是非同小可。我話以單一個理由斷定樓市下跌是非常危險，英國在1月31日接受申請，理論上在開始時是會非常多人，但事實又非如此，到2月18日，只得5000人申請，其中一半早已去了英國。換句話說，在香港申請的只有2500人，估計2月份會有大約3000人申請，一年最多3.6萬人，就算那些人賣樓移民，最多是可以提供5000個單位供應，根本不可能令樓市下跌，最不利原因反而會變成有利因素。我話恐怕樓市變成一隻脫疆野馬，但老友唔信，他堅持樓市一定會下跌，除非唔跌。
