Your browser does not support JavaScript! In order to see this website, please enable JavaScript!
我們偵測到您的瀏覽器不支持JavaScript!為了可以使用本網站,請開啟JavaScript!
七月 16, 2024 星期二 微雨 29° 84% 雷暴警告

《靠老豆??!》- 創業應盡用身邊所有的資源

 
     
2020/11/26 李根興
《靠老豆??!》 - 創業應盡用身邊所有的資源 - use them, and use them PROUDLY! 做生意,應如何善用身邊的資源? 前兩日去咗扶輪社同台同施永青有個講座,講人生道理。佢係有料到,唔駛講。 我話「有好多人話「識多個人,好過識多隻字」.... 我反對! 」 我話:「你識幾多人唔重要, 你識夠四萬個人佢囉,但最大問題係 ...... 人哋唔識你。」 最後,係幾多人識你,才証明你有無料到! 施永青可能只係識七千個人,但全香港七百萬人一定識佢。 識多隻「字」,識多隻有用,但人哋唔識嘅「字」,可能就判定你成敗的要決。 之後,有人留言: 「識字識人都係無用,最緊要識揼投胎。你睇下李生🤣🤣」 我唔知佢講緊我,定講緊阿李嘉誠嗰兩個仔啦... 但真心地說,佢講得啱,有point! 我是一個好幸運的人。 沒有我父母,我沒有今日。我自問冇這個本事! 我唔敢講我是一個「富二代」,也不會否認。 我是個幸運兒。但我同身邊所有創業朋友都講,「創業(做生意)當然要用盡身邊所有的資源啦! 」 千祈唔好話「唔好意思」、「唔靠老豆」、「唔靠親戚朋友」、「唔靠邊個邊個」.... 呢啲最傻, 最戇居! 你唔靠,但人哋會靠! 人哋資源多過你,就自然贏你機會大啲! 成功的創業者,應該攞曬所有自己的資源/關係/網絡出來,call 邊個就 call 邊個, 邊個幫到你,就「邊個鞋底」! 成功莫問出處! 發財再立品! 「骨氣」留番畀啲 talkers... 你身邊的網絡/父母/資源只幫到你行第一步, 之後條路點闖出嚟,就要靠你自己的本事了。 如果本身自己冇用,靠老豆點叻,最終你都係個廢柴。 記住,唔需要個個人欣賞你,但只有10%或1%的人欣賞你、認同你,生意都做唔曬。 最忌就係百分百的人都唔記得你。 有老豆、有家底、有身邊親戚朋友支持,唔好怕醜,用盡佢,use them proudly! 我無我老豆,我唔會有今日! 這是事實! 李根興 Edwin 。。。。。。。。。。。。。 購買李根興的四本書: (1) 【李根興的生意哲學】(最新2020年6月出版 - 定價$198) (2) 【買舖 要買得 PRO】(定價$198) (3) 【買起金磚頭 - 商舖投資煉金術】(定價$128) (4) 【買起金蛋鵝 - 生意營商之道】(定價$128) 每本+$30 本地順豐快遞。 想有李根興親筆簽名及 personal message,可跟以下指示付款,whatsapp 付款紀錄給Suki (+852) 5566 1335。.
(文章內容純屬作家個人意見,並不代表本網頁立場)
贊助