售後租回 即是售後不租回

有老友請食午餐，我知道他是無事不登三寶殿，一定有嘢要問我。原來老友在去年中買了一個舖位，講明是售後租回，但現在原業主話生意難做，就算減租都唔會續約，到期就會將舖位交回給老友，而且仲講到明，如果老友要自用，或者有新租客，可以隨時交吉。老友收到通知之後即時在市場放租，他亦知道租金是受到疫情影響，一定會調整，但估唔到租金下跌超過一半，今次損失慘重。 生意難做 減租亦未必續約 其實，老友在買舖位時亦問過我，當時佢話業主售後租回，租金回報又高，是很好的投資，當時我見老友興致勃勃，亦不敢掃興，於是話售後租回即是售後不租回。 求賣好價做好租金 水分高 大家又唔好以為原業主有心呃買家。不過大家想想，他需要賣樓，生意一定是好極有限，周轉有困難，賣了樓所得可以令生意繼續運作一段時間，但在疫情及社運下，只有少數生意可以支撐得住，最後仍然要結業收場。當原業主賣舖時，為求賣得好價，一定會將租金做好，令到回報增加，容易出售，一般投資者買那些售後租回單位，一定要自己衡量市值租金，因為投資者知道，業主提供的租金回報水分很高，一不小心，就會損失很大，老友算是上了一課。