《上帝唯一公平的是... 》香港肺炎疫情無人想， 趁這段時間反思一下上帝給人們唯一公平的事 ....
早排一家人行山，我三個女成日話: It's so unfair ...
佢哋成日話點解人哋嘅大過佢，點解人哋得佢唔得， 點解鬼妹仔咁靚佢唔係。 我話 「Yeah, yeah, Life Is Unfair! 」 「有啲嘢，有就係有，無就係無，強求都無用。 爸爸都想有個仔，但我而家有三個女都不知幾開心!」
我話:「上帝對人唯一公平嘅，就係每人每日都只有二十四小時。 這24小時，就好似個Jar (空樽)咁，個個人都一樣 size。每朝起身，上帝就俾你有一個新嘅 Jar。 日頭填下填下， 瞓覺時，個Jar 就填滿啦，收埋一邊。起身時，上天又俾你另一個 Jar， 再填呀填，又填滿啦。」
「長命嘅，你有三四萬個樽。唔好彩嘅，who knows ... 所以你要珍惜每日用嘅樽。」
「每人生命都好行山條路咁，有啲大石，小石，同泥沙。 每日你都要諗點樣將呢三樣嘢 fit 落你個樽道。如果你每日先放大石，再放小石，再放泥沙， 個樽滿咗嘅時候，你會感覺好滿足， 瞓得好好。」
「但如果你先放泥沙，再放小石，再放大石嘅話， 你就會裝唔曬，好似好 overloaded (裝 瀉)咁，每日都做唔完。個樽一收埋咗，就好似時間咁，無辦法回頭補救。」
個樽帶出什麼理念?
大石，就是人生最重要的大事，可能係你嘅理想，你嘅家庭，你嘅至愛，你最好嘅朋友，你嘅健康，佢哋係你做人嘅意義。
小石，就是其他相對無咁重要嘅嘢，返工開多個會，做多份功課，你見唔見都冇所謂㗎朋友，為建立而建立的興趣。
泥沙，就係每日可能係浪費緊你時間嘅鎖碎事: 打機，上網， 鬧人，嬲人，怨天怨地，發白日夢， 講人閒話。
肺炎疫情無人想， 但亦可能係個好機會反思下平時嘅你，大石、小石、泥沙，你每日個樽係點填滿呢?
好多時間管理嘅研究都指出， 一般人嘅樽，每日都係先裝滿咗八成小石同泥沙，只剩返兩成嘅空間畀大石。 但如果你能夠每朝早起身越先放大石，例如錫你老婆一啖，問候爸爸媽咪一聲，做下運動， 同你上司或者下屬作出啲有建設性建議 ，或做啲其他對你人生有意義嘅事.... 之後再放小石，再放其他，當你人生用晒啲樽嘅時候， who knows when，就越會得到滿足。今生無悔。
點填個樽呢?
上帝最公平的就是每人每日有24小時，有多少個樽唔知道，但先放入你的大石，生命就更滿足!
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
（文章內容純屬作家個人意見，並不代表本網頁立場）
贊助
