一碗拉麵對做生意有乜啟示?
當你見到個男仔，要讚佢一百樣嘢點解佢靚仔， 贊下贊下5，自然唔單止你自己會麻醉咗覺得佢靚仔啲，兼你連係其他朋友面前都提起佢多啲同會講佢靚仔啲。你自己讚得嘅，自然都想畀朋友睇下。
亦都係咁，如果你揭開1980嘅 New York Magazine 你會睇到呢個Ad. - Teacher's Highland Cream Scotch Whisky.
Trace our advantage and win $25000。 買支酒，寫低支酒獨特之處，有啲咩好飲嘅地方， 寫一次，寫十次，寫一百/一千次都得，郵寄過去總部參加， 被抽中嘅幸運兒可以贏到$25000美金。
就係因為有成千上萬嘅人，寫咗幾十萬次， 參加者自然陶醉咗喺支 Whisky 有幾好味， 自己飲之餘，都一定介紹多啲朋友試下。 呢個亦都成為美國史上其中一個最成功嘅 marketing campaign。
根據 The Father of Social Influence 社交影響力之父 - Professor Robert Cialdini，呢個叫做 The Law of Commitment and Consistency (承諾及一致性法則)。 當你講開/寫開嗰樣嘢，自然你會覺得自己講嘅寫嘅係啱，之餘亦都會同朋友提起你覺得啱嘅嘢。 簡單來說即係「言行一致」。
亦都係咁，我幫我哋佐敦寧波街嘅租客 「阿久根和牛拉麵屋」 度咗個 marketing campaign, 只要你食一碗拉麵，寫低讚下碗拉麵有乜好味， 就有機會贏雙人旅遊禮券去日本玩一轉，多食多贊多機會中獎。2020年1月15日公布結果。 冠亞季軍7個獎，我哋 sponsor.
其實你盤生意都可以試下呢個 Law of Commitment and Consistency， 比人客贊下你嘅服務，贊下你嘅產品，贊下你嘅公司有乜好， 付出少少獎金獎品畀啲推動力比人客，話唔定你會有意外驚喜。點做? 有機會來佐敦寧波街27號(白加士街交界)試下碗和牛拉麵，希望比到你更多 idea 啦。
#阿久根和牛拉麵屋，#多得你讚美，#承諾及一致性法則
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
（文章內容純屬作家個人意見，並不代表本網頁立場）
贊助
