2017/12/27
Fennie Ng
「置業、移民」- 好多城市選擇，我唔會去迫人話加拿大係最好，英、美、澳洲都各有好處，各人有各人喜歡、各有取捨，要接近大自然，我自己都會揀澳洲、紐西蘭，感覺仲未被污染，但當地人仍然對華人歧視囉，自己接受到就無問題嘅；英國？市中心嘅樓貴過香港又有恐襲，而且已經好多外來人，周邊人講嘅已經唔係『英文』，感覺好唔安全；美國呢…… 又有恐襲之餘都係唔平囉。
全世界都有華人，多倫多都好多，所以地區好重要，呢度好出名係置業重點～Location Location, Location 係好重要！而加拿大嘅多倫多比較合適年青人，有好嘅大學，又有商業發展，搵工都機會大D，而溫哥華就比較適合成熟嘅一輩多D，退休唔錯㗎。另一方面，最重要係多倫多樓市入門易D，樓價亦相對比溫哥華平少少，易入門！
香港人數口精就唔洗講，置業除咗「投資、保值」之外，當然最好有人幫手供埋，香港好多投資客都係咁放租，放放下租就已經10年、8年，差不多供甩了，同樣地套用喺買加拿大物業上，市中心樓價一般CAD40 – 70幾萬起，如600 – 799呎，已經有1或 2睡房 + 1或 2浴室，當然個組合喺點就梗係要睇下大家個荷包喇，哈哈。但好肯定話比大家知，就算相同700呎嘅實用面積，加拿大物業可以比到大家一個遺忘已久嘅「空間感」，而樓價只係香港嘅 60 – 70%（事乎地區而定）。
呢個就係CAD61.3萬起 bid （大約HKD485萬）734呎，點解同香港嘅 750呎空間相差咁遠嘅…… 大家話呢類咁高質嘅單位，香港要幾多錢呢？
https://www.facebook.com/media/set/?set=oa.513381412345791&type=3
（文章內容純屬作家個人意見，並不代表本網頁立場）
贊助
