隔山買牛唔安全？

凡事就兩面睇，有幾多喺香港買樓花等收樓，收咗樓咪又係幾千萬買到甩皮甩骨又漏水嘅豪宅！其實現樓風險比樓花細，至少唔會爛尾先吖，有客人向我查詢物業，言談之間都話眼見好友買澳洲樓花渣都無。 所以唔好貪，腳踏實地好，現樓可以揀D新樓齡，保養好嘅，好壞一眼睇哂喎。可能大家又會問，討論區只上傳物業圖片，一定「美圖」過，唔真實，比個例子大家，睇睇以下連結：https://www.facebook.com/media/set/?set=oa.508093626207903&type=3 客人查詢以上物業，圖片睇到夠大又光猛開揚，North York 區價錢算好貼地，但希望要見一下物業真身，咁點好呢？唔通飛過去多倫多？香港人邊有咁多時間同金錢呀，係咪先？ 現今科技咁發達，梗係要好好利用一下喇，每每要飛去睇就落後喇，至緊要快嘛！…… 叮！話咁快就到，去片：https://www.facebook.com/fennieng.hk/videos/10155004513658499/ 客人好興奮幾日之內就安排到一個實地視察，對海外置業信心增加不少，科技可以拉近距離（其實香港都有人會麻煩代理拍片比買家過目），從中可以聽聽代理對該物業嘅評價，要注意乜嘢？入唔入得過，點可以話隔山買牛呢？最重要係個「買手」點去篩選一D「有質素」嘅單位比客人！「遠、近」已經唔係重要，呢個就係現樓嘅好處。