《租客知道要加租 會盡快續約》

星期四早上去到茶餐廳，有客人話有一個租客，明明生意都唔錯，一定要續租，但唔知點解，租客遲遲未落實續約，後來他發覺，租客認為租金仍然有下調空間，愈遲續約，租金愈低，問有乜辦法可以令租客快啲續約？

老闆有十幾個單位收租，對於要租客早少少續約，夠晒經驗，不過，見無人搭口才出聲。老闆話，只要同租客講，今日續約的租金已經是最低，未來只有上升，不會下跌，如果夠堅定，租客唔單止續約，仲會要求延長租期，否則，如果租金上升10%，即是兩年租約，無端端多交兩個幾月租金，現在續約，可以得到兩個幾月免租期。

美財長貝森特應向茶餐廳老闆學習，現在美債息不斷升，評級AA+的10年美債息已去到5.25厘，比AA級債券高出接近1厘，但仍然無人吼，並不是美債不安全，如果唔安全評級無可能咁高，而是打算買美債的人知道美國會加息，而暫時不買美債，而事實上他們亦估中，美債息不斷上升，唔好睇小只是升0.25厘，10年計數，即使是2.5厘，大約半年收益，等多一陣，可以多收半年債息，值得等待。所以，只要美財長放出聲氣話美債息將會下跌，最少1厘，我相信打算買美債的人會急不及待。加租租客才會續約，債息回落才會吸引投資者買美債。