2026/09/15
湯文亮
星期一早上去茶餐廳，聽到有客人話，以前他唔會用名牌Polo衫，認為現在的「高仿」做得唔錯，仿真度超過九成，沒必要貴幾倍甚至十倍買名牌Polo衫。但今年春節，有人送了幾件名牌Polo衫畀佢，點知着咗之後返唔到轉頭，現在自己都買了幾件，將那些「高仿」放埋一邊，原來內地人話，用過「高訂」，就唔會再用「高仿」是真的。
老闆話，茶餐廳不時有內地客人講香港，他們未來香港之前，認為香港不外如是，有不知幾多個內地城市的基建比香港好，唔明白點解有咁多人來港工作、讀書，甚至買樓；但來港之後，便會發覺有分別，但究竟是什麼分別，他們又講唔出，其中一個客人講了一句話，香港好似「高訂」，其他內地城市是「高仿」，用過「高訂」，就唔會用「高仿」。
港勝在「不外如是」
老闆咁講，一定有很多內地人不同意，尤其是那些未來過，或者未能深入了解香港的內地人，他們會認為，香港不外如是。其實，香港最值錢的就是「不外如是」，在內地那些平時出入有十幾個保安的藝人，在香港可能在茶餐廳搭枱飲咖啡，不但戴靚表，揸靚車無人理，就算用「高訂」或「高仿」都無人理，這才是「高訂」的最高境界。
所以，有咁多內地人來港之後唔想返回內地生活，用過「高訂」，很難用「高仿」。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
