2026/09/01
湯文亮
星期一早上去到茶餐廳，聽到有客人講星期日晚與幾個內地朋友去了一間網紅打卡意大利餐廳，老實說，食物質素是合格，服務亦好，但唔值得有咁多遊客嚟打卡，多人打卡的答案就是在點餐之後，侍應為每一名客人送上一張點餐後的清單。
這清單一來確認已落order的食物有冇錯漏，二來客人可以將張清單放上朋友圈，或者會加一句食物好好，好幸福，咁樣，就算普通的食物都會變好，點餐後的清單的確有用。
客人或將清單放上朋友圈
老闆話，「內捲」可以降低價格，亦可以提高服務質素，現在比較平的餐廳都是採用鬥平，9.9元一籠點心，最後大家攬住死，而一張點餐後的清單就是提高服務質素，令客人認為餐廳非常關心他們，而事實上一張點餐後的清單又不是新鮮事，大家用QR Code落單，手機都會出一張點餐後的清單，不過，香港餐廳的一張點餐後的清單只是工作上需要，唔識得借機會搞推廣。
客人攞出昨晚清單，除了有已經點了的菜式之外，當然仲有餐廳名字、地址、聯絡方法等，客人仲講，這是再加叫食物後的第二張清單，主人家話叫得太少，放上朋友圈唔係幾好睇，於是叫多兩個硬菜，大家有面，餐廳又可以賺多啲錢，一張點餐後的清單是值得推廣。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
