2026/05/11
湯文亮
星期六早上去到茶餐廳，有客人話，昨日打算買一個舖位自用，業主要價雖然好高，但自己用作做生意仍然有可為，準備落訂的時候，收到一個消息，就是業主擁有同樣大小的隔離舖位剛剛賣走，售價只是客人打算買入的舖位四成，於是立刻停止支付。業主的老友鬧佢唔識做生意，應該首先賣走貴一大截的舖位，然後慢慢賣平舖位，現在相反嚟做，試問又點會有人買貴咁多舖位。
老闆話，何只那名業主唔識做生意，國際足協都唔識，以3500萬美元出售世界盃印度區域轉播權，而中國區域的轉播權竟然要收3億美元，雖然中國就算以3億美元買入轉播權，仍然會有巨大盈利，但唔會做寃大頭。印度與中國同樣有14億人口，冇理由印度轉播權是3500萬美元，而中國要3億，更何况中國國家隊又無入到決賽周，盈利未能獲得保證，萬一蝕大本，就會畀人笑到面黃。
國際足協應該首先將轉播權以3億賣畀中國，然後同印度慢慢磨，就算印度唔買都冇所謂，損失只是3500萬美元，點解咁眼淺，見到3500萬美元就「嗱嗱臨」簽約，如果特朗普唔出手，國際足協可能因小失大。
作為一個香港人來說，真係希望中國唔買世界盃轉播權，咁就會有很多內地人來港睇世界盃，帶動香港旅遊業及消費行業。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
