2026/03/09
湯文亮
星期六早上去到茶餐廳，有客人話中東戰火愈打愈激烈，不但交戰國美國、以色列、伊朗各有損失，而且波及中東其他國家，尤其是有美軍基地的國家，當中受損最大的應該是阿聯酋，經營多年的迪拜已經成為世界第五，甚至第四金融中心，一日就被伊朗炸散。不過，在迪拜的資金一定要流走，不少人認為，來港的機會比去紐約、倫敦、新加坡為高。換句話說，香港是得益者，這樣算不算是發國難財？
老闆話，香港是否發國難財言之尚早，如果戰事持續多幾個星期，甚至幾個月，在迪拜流出的資金唔會再返去，到時香港再計數有幾多資金流入，才可以確認香港是否發國難財。不過，按照現時情况，擁有那些資金的機構或者家族辦公室唔會遷去紐約、倫敦、瑞士，很大機會是去新加坡。
資金或長期留港 應創造更多投資機遇
不過，新加坡都有美軍基地，萬一伊朗發狂，攻擊全球美軍基地，新加坡就會受到影響。所以，資金流入香港的機會最大，甚至可以長期留港，所以，香港政府要創造更多投資機遇來吸引那些資金，否則，真係捉到鹿唔識脫角。
阿聯酋如果要怪，真係要怪美國及以色列，迪拜作為金融中心已經經營很多年，才有現在的規模，想唔到只需一日就被美以拆散，如果美以不是斬首哈梅內伊，斬首後又不能速戰速決，估計伊朗不會攻擊美國在中東的美軍基地，更加唔會攻擊基地所在的國家。
其實哈梅內伊算是溫和派，又可以壓得住其他主戰派，現在伊朗主戰派已經無王管，有美軍基地的中東國家唯有自求多福，不過，戰事並不是由中國引起，所以，不能夠說香港發國難財。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
