《教育法治都是香港基石》

星期二早上去到茶餐廳，雖然大家話題仍是中東戰亂，但亦有客人提及英基收生單嘢，英基去年公開試成績非常好，令到不少內地家長想盡辦法將子女送入英基，當中包括行賄，有內地家長認為，送多少禮物或者現金是無問題，在內地是很小事，但想唔到在香港是犯法。行賄事件有14人罪成，當中13人是家長，法官已經預先講明，一定要坐監，理論上家長都是為子女，搞到要坐監咁大件事，但奇怪就是社會上沒有反對聲音。

老闆話，教育是香港基石，全世界首100間大學，香港有5間，IB成績最好的100間中學，香港有21間，內地人當然希望子女來香港讀書，但一定要循合法途徑，有足夠成績支持，如果靠走後門，送禮賄賂，將不合資格的子女送入名校，不但令到香港成績低落，仲使到合資格的香港學子不能進入那些學校。所以，對於行賄的家長，重判是必須的，仲警惕其他家長，唔好用行賄的方法進入名校，否則隨時會身陷囹圄。

其實，除了教育是香港基石，法治也是香港基石，甚至比教育更重要，唔好講入名校咁大件事，就算買新樓，都唔能夠走後門，一定要經過抽籤，否則就會犯法，不但買樓的人犯法，地產商亦有可能犯法，於是買賣雙方不得不公平公正，由於公平公正，買樓的人放心，知道地產商不會造假，最後得益的人仍然是地產商。由此可見，法治是香港的基石，千祈唔好話香港政府管得太嚴。