2026/02/09
湯文亮
星期六早上去到茶餐廳，有客人話我在過去一年，賣走了價值20幾億元物業，是否對樓市死心，心態與其他賣樓的人一樣，「見過鬼都怕黑」，唔會再買返樓？
我話唔明白點解「見過鬼怕黑」，應該是「見過鬼就唔怕黑」，因為最壞情况已經見過，點解仲要怕黑，我可以肯定講，如果有機會，一定會再買樓。不過，一定要買一些優質物業，唔會亂咁買，雖然我以前都無亂買，但以後要更加小心。
老闆話，現在賣樓的人分兩類，有部分是被迫的，他們並不是甘心情願，只不過是需要一筆資金來應付難關，或者失了自己的工作，無能力繼續供樓，想唔賣樓都唔得，那些人如果日後有能力，或者搵到一份好工，一定會買返樓。
再買樓須買優質物業
除了是自己的需要之外，在迫切的時候賣樓，的確可以解決到自己困難，所以，有能力點解唔買。
另一部分賣樓的人是沒有在迫切性的情况下，只是聽了一些分析員或者玄學家話樓市會大跌而賣樓。老實說，那些人可能一世都唔會再買返樓，除非樓價跌到殘，不過仍然有一個問號，因為當樓價跌到殘，經濟環境一定很差，那些賣了樓的人又未必夠膽買返。
總括來說，十個在未有迫切原因而賣樓的人，未必會有一個買返樓。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
