2025/07/24
湯文亮
星期三早上去到茶餐廳，有客人話昨天與一個一向睇淡樓市的分析員食飯，連佢都認為樓市在今年下半年有一定升幅，客人話如果樓市真係上升，分析員很難自圓其說。誰知道分析員話很容易，他會堅持話樓市長遠都會下跌，上升是短暫的，是業主或者投資者的逃生門，原來真係可以兜到。
老闆話，如果業主接受樓市上升是逃生門而爭相賣樓，樓市下跌是絕不出奇，但樓價已經下跌了超過三成，不少打算買樓的人已經蠢蠢欲動，對於未有自住單位而又有能力的人來說，是入市的最後時間。樓市除非唔升，如果止跌回升，一定會有一短長時間，唔會只得6個月咁短癮，除非政府又出「辣招」。
如果樓市急升，估計政府是不會再推出「辣招」，不過，並不是不管樓市，不過唔使直接管，只要吩咐金管局叫銀行唔好借錢畀人買樓，好似現時咁樣，樓價一定會下跌。不過，銀行是做生意，無理由唔借錢畀人買樓，其實唔係唔借，而是借錢畀未有自住單位的人買樓。
所以，大家睇到銀行對於那些首置人士，不但借錢畀他們買樓，甚至提供回贈，而對於那些未有樓的人來說，是入市的最後時間，因為如果銀行借錢畀所有人買樓，現在能夠問到銀行借錢，甚至攞到回贈的人，就唔係咁容易借到錢，所以未有樓的人一定要把握入市的最後時間。
不過，逃生門與入市的最後時間不但可以並存，而且是互補，如果業主借貸比率太高，就要趁未有樓人士的入市最後時間，賣走一些非必要物業，降低借貸比率，物業唔會變成銀主盤，投資物業，就有贏無輸。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
