2015-05-22
太陽報
市區舊樓住宅重建項目升值潛力強勁，向來受發展商追捧。市建局土瓜灣北帝街/新山道商住重建項目尋日截交發展意向書，一共收到32份意向書，反應相當熱烈，追平咗十一年前灣仔莊士敦道項目?最高紀錄，成為最多意向書?市建局項目之一。今次除咗吸引一班中小型發展商遞交意向申請「入場券」，就連大型發展商都有份入意向。
市區重建局同劉Sir講，北帝街/新山道項目共收到32份意向書，表達有興趣發展呢個項目。
招標工作短期展開
該局董事會轄下?1個遴選小組，會挑選合資格?發展商，喺短期之內邀請佢哋就呢個項目提交合作發展標書，預計招標工作亦都會喺短期內展開。
劉Sir睇翻過往記錄，今次收到32份意向書，追平了灣仔莊士敦道項目喺○四年三月錄得?紀錄，兩個項目並列成為最多意向書?市建局項目。
當年呢個項目吸引咗14家財團競逐發展權，最終由嘉華國際（00173）奪得，發展成今日?嘉薈軒。
而今次遞交咗發展意向書?發展商包括，新地（00016）、恒地（00012）、會德豐地產、英皇國際（00163）、宏安（01222）、遠東發展（00035）、金朝陽（00878），以及富豪國際（00078）夥拍百利保（00617）等。
英皇：睇好發展潛力
英皇國際高級物業主任施穎怡截交發展意向書時話，呢個係市區項目，又近住未來沙中線?車站，睇好呢一區未來?發展潛力。
遠東發展地產發展部總經理朱寶林話，集團於該區鄰近有發展項目，熟悉該區發展，傾向獨資發展。而宏安高級物業主任馮潔瑩表示傾向獨資入標。
高緯環球大中華區評值及估價部董事及執行總監張翹楚話，該項目屬商住發展，地盤適中及金額細，又有沙中線等概念，同時看好舖位潛力不少。
據悉，項目地盤面積約1.17萬方呎，預計提供約8.78萬方呎住宅樓面，另設約1.76萬方呎商業樓面，料建約160伙。
劉Sir