2026/05/15
湯文亮
星期四去到茶餐廳，有客人話有一個出租舖位，租客一陣間嚟茶餐廳講續租，問老闆要注意什麼事項，要不要開天索價，等對方落地還錢。
老闆話，最緊要睇租客帶什麼人嚟傾租約，如果是自己一個人，租客是想跟業主四四六六拆掂佢；如果帶律師，租客可能講法律內容，例如畀6個月通知就可以走；如果帶會計，梗係傾租金，未必是減租，或者要求業主唔好加咁多；如果帶舖位店主，租客是希望業主唔好大幅加租，會影響很多人生計。
中美今次談判料成功
今次特朗普訪華帶國務卿魯比奧、國防部長海格塞斯，以及18個工商界大佬，老實說，特朗普帶魯比奧與海格塞斯只不過是裝模作樣，向政黨交差，主要目的是傾生意，唔係講政治以及軍事威脅，習主席一定明白，估計今次會談是成功的。
至於開天索價，落地還錢，對於一個生客來說是可以的，但對於長期租客是不適宜的，就算續到租都會準備走人，國際足協對中國轉播權開價，唔係今年先至咁貴，上一屆已經好貴，中國已經唔準備買轉播權，適逢國際足協開天索價，要3億美元，中國落地還錢6000萬美元，個波在國際足協腳下，真係唔知點踢。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
