《做生意七步曲》

做生意七步曲！綜合我自己廿一年創業實踐經驗，加埋哈佛教授 Michael Porter 嘅策略學術指引，得出以下《做生意七步曲》。逐一逐一同你講！ 

第一，首先要知道自己目標係乜，what are your goals? 連自己想要乜都唔知，我幫唔到你。

二，你嘅價值主張同人哋有乜唔同？ what's your value proposition, any different? 

三，你競爭甜點在那裏？ Where is your competitive sweet spot? 每日24小時的「力」應該放係邊度？

四，Value chain 你成條價值鏈，由入貨、加工、出貨、請人、宣傳推廣、客戶關係、售後服務，同競爭對手有乜獨特之處？ 

五，Trade offs 取捨。你要取得更多，就要捨棄更多。你有乜可做少啲，做好啲？

六，Fit！ 你公司及你自己，由上到下，內至外，由起身到訓覺，食飯到興趣嗜好，所有活動是否 fit? 整合。

七，絕大部份人123456都可能做到，但最難做嘅就係7： Continuity 持續性、持續性！ 不能一時一樣，hit and go! 風雨不改，堅持再堅持，堅持五年、十年、50年、一世！ 你能否做到？

綜合我自己廿一年創業實踐經驗，加埋哈佛教授 Michael Porter 嘅策略學術指引，得出以上《做生意七步曲》。逐一逐一同你講！ 

先講（1），What are your goals? 你做生意，目標係乜？ 目標可以改，但最怕無目標。唔好就咁講我要最大、最靚、最出名，盡量得要量化。你想買1000間舖？ 你想開100間分店？ 你想起1000幢樓？ 你想開10000個高端客戶戶口？ 喺灣仔巴路士街14號舖，做旺記打冷咁，想賣100萬隻招牌雞？ 

Whatever it is … 量化咗，全公司上下每一度力都會向同一目標邁進。得的話，盡量開個 meter 計住做咗幾多。當然，唔代表你淨係賣嗰樣產品，當你沿途行嘅時候，I'm sure 你好多週邊嘅產品都會賣到，食得招牌雞，自然人客會叫埋潮州蠔餅／鹵水鵝等，但你主打係邊樣？ 人客／員工容唔容易記得同溝通？ 

我主打舖，我條底褲都寫住「舖」，香港街舖，平均每間3000萬，香港有十萬間。我目標只想買入當中1%，即1000間，今日為止，我買咗110間，仲要買多890間才「上岸」，當然要買入／賣出賺到錢，我才能集資更多嘅錢去買舖。好似我後面呢間灣仔巴路士街旺記打冷嘅舖，上年我基金用3550萬買入，租客生意好，我自然好。大家同一條船。我計過，每年買多30間，30年後就上岸，如果每年10%增長，15年後搞惦，我今年47歲，62歲上唔上到岸？ We will see!

盡量得，目標係要獨特，唔好跟人，獨特而容易記得嘅目標，會推動全公司嘅力向同一方向進展。純粹賺錢唔喺一個目標，It's a by-product (副產品). 目標定得好，執行到，自然會賺錢。我自己大目標係買香港1000間街舖，細目標係（1）基金每季集資港幣6000萬，（2）每年派息678厘，（3）連 NAV 基金單位升值，每年稅後淨回報10%以上。小目標做到，大目標長遠自然會做到。

"Shoot for the moon. Even if you miss, you'll land among the stars." 目標定咗，唔代表一定會做到，but always aim high，百份之20機會做到已經唔錯。尤其是如果你把目標日講夜講，講到個個都覺得你好煩，自我提示，公開宣言，為咗領功/面子，你做到嘅機會率就會越高。唔講唔提，諗住做到先講，咁你就唔駛講，因為好快就唔記得，你唔會做到。

你呢？ 你公司目標係乜？ What are your goals? 世上冇乜差員工，但好多差老闆。問你班員工，佢地又清唔清晰老闆目標喺乜呢？ 
 www.edwinlee.com.hk 聯絡李根興 Edwin (+852) 90361143 ▸更多文章：舖位投資心得 | 李根興先生 (盛滙商鋪基金管理有限公司行政總裁)